Министерката за финансии на Велика Британија, Рејчел Ривс, планира да воведе нов данок на имот со висока вредност во нејзиниот претстоен годишен буџет, објави британскиот „Телеграф“.
Се очекува дека ќе треба да се соберат десетици милијарди фунти за да се исполнат фискалните цели во буџетот, кој ќе биде објавен на 26 ноември, објави весникот.
„Телеграф“ го објави текстот по наглото зголемување на трошоците за задолжувања на британската влада и извештаите дека Ривс, во значаен пресврт во политиката, повеќе не планира да го зголемува данокот на доход во својот буџет поради подобрените фискални прогнози.
Според весникот, стотици илјади имоти со висока вредност, главно во Лондон и југоисточниот дел од земјата, ќе бидат погодени од новиот данок.
Портпаролот на Министерството за финансии изјави дека овој владин оддел „не коментира шпекулации за даночни промени надвор од фискалните настани“.
Весникот објави дека владата планира да го користи постојниот систем на локален данок за во следните години изврши ревалоризација на 2,4 милиони од највредните имоти во наредните години.
Новиот, посебен дополнителен данок потоа ќе се додаде на постојните сметки за советнички данок за 300.000 највредни имоти, според „Телеграф“.
