Пратениците во Народното собрание на Србија усвоија посебен закон, односно „lex specialis“, со кој се овозможи изградба на луксузен хотел на местото каде што сега се наоѓа зградата на Генералштабот, поранешното седиште на Југословенското министерство за одбрана.
Законот што го регулира ова прашање беше усвоен со 130 гласа „за“, а беше поддржан од претставници на Српската напредна партија и нејзините партнери во владата.
Зградата на Генералштабот, оштетена за време на бомбардирањето на Србија кон крајот на 1990-тите, беше означена како културно богатство, што не ги спречи властите на земјата да го „ветат“ тоа на „Афинити партнерс“, чиј сопственик е зетот на американскиот претседател Доналд Трамп, Џарден Кушнер.
Со усвојувањето на овој закон, се отвори патот за компанијата на Кушнер да изгради луксузнен хотел во Белград, која ќе го носи името Трамп.
Пред донесувањето на овој закон, Обвинителството за организиран криминал на Србија започна истрага поради фактот што директорот на Агенцијата за заштита на културните споменици на Србија, Горан Васиќ, призна дека доставил фалсификуван документ со кој се препорачува оваа локација да се укине како културно богатство.
Во мај, кога беше објавена истрагата, „Афинити партнерс“ во изјава за „Њујорк тајмс“ изјави дека „иднината на проектот е неизвесна“.
„Од медиумските извештаи дознавме дека поранешен функционер на српската влада, кој нема никаква врска со нашата компанија, наводно фалсификувал документи поврзани со прогласувањето на плоштадот Белград за заштитено место. Ќе го разгледаме овој случај и ќе одлучиме за следните чекори“, наведоа тие во соопштението.
