Унгарскиот премиер Виктор Орбан верува дека ЕУ започнала „економска студена војна“ со Кина, додека лидерите на Унијата се подготвуваат за клучно гласање за воведување царини за увоз на електрични автомобили од кинеско производство.
Орбан изјави за унгарското државно радио дека она што сега Брисел ги принудува своите членки да го направат против Кина е „економска студена војна“.
Унгарскиот премиер, кој го предводеше притисокот да се донесат кинески фабрики за електрични автомобили и батерии во земјата, рече дека Унгарија не сака да биде ограничена од ниту еден блок, туку сака да ја продолжи трговијата со двете страни. Тој оцени дека ќе биде се потешко да се продаваат производи произведени во ЕУ доколку светската економија се подели на два блока и дека не е јасно дали Унгарија може успешно да продолжи со спроведувањето на својата стратегија за „економска неутралност“.
Членките на ЕУ денеска ќе гласаат дали да воведат царини во следните пет години до 45 отсто за увоз на електрични возила од кинеско производство. Германија ќе гласа против воведувањето на тие царини, изјавија за Ројтерс добро упатени извори.
