Nissan Motor Company објави дека ќе ја затвори својата фабрика за автомобили во источна Кина.
Конкурентната трка на автомобилскиот пазар во Азија станува се поостра за производителите, што е резултат на зајакнувањето на обемот на продажба на кинески возила.
Јапонската агенција Кијодо јавува дека Нисан ќе ја затвори својата фабрика во градот Чангжу во кинеската провинција Џиангсу, пренесува порталот Бизнисфо.
Фабриката која произведува компактни спортски модели „Qashqai“ во соработка со кинеската компанија Dongfeng Motor ја заврши својата работа.
Се наведува дека фабриката, која има годишен производствен капацитет од 130.000 автомобили, сочинува приближно десет отсто од вкупниот обем на производство на јапонската компанија Нисан во Кина.
Според последните податоци, продажбата на нови возила на Nissan во Кина во мај е намалена за 2,8 отсто во однос на истиот месец од претходната година.
