Квалитетна и брза нова патна и железничка инфраструктура и гасоводот се клучните за развој на Пелагониско- преспанскиoт стопански регион кој во БДП учествува со 14 проценти, заклучија денеска стопанските комори од Прилеп и Битола на состанокот во Прилеп со претставиниците на Стопанската комора на Македонија, меѓу кои и претседателот Бранко Азески.
-Се работи на автопатот Прилеп- Битола, меѓутоа, сепак, тоа не е доволно. Ние чекаме и автопат од Дреново до Прилеп и чекаме на железничкиот сообраќај, кој е многу значаен за овој Регион.Пелагонија- Преспа има многу извози од жито и пченица и затоа е потребно да се поврзиме со Европските магистрални патишта и пруги. Со оглед на тоа дека сите енергенси се оскапени, ние на 20 или на 25 септември ние ќе имаме заедничка средба со министерката за енергетика на која средба ќе бараме што побрзо да се пушти гасификацијата на овој Регион. Ние гледаме спас во гасификацијата, зашто гасот за 20 до 30 проценти е поевтин. Нашиот гасовод е готов, со сите станици во Прилеп и Битола. Само треба да видиме од Градско да се поврзиме и уште некои мали фини работи и што поскоро тој гас да влезе во Регионот и така компаниите ќе може 20 до 30 проценти да бидат поевтини за трошење пари за енергенси – изјави Мирко Вековски, претседател на Регионалната стопанска комора на Битола.
Од прилепската регионална стопанска комора нагласуваат дека недостигот од соодветни кадри за стопанството ќе се надомести со подобар образовен процес.
-Имаме недостиг на квалификувана работна сила. Се надеваме на измени во образовните процеси, а на тоа работи Стопанската комора, преку обуки и менторства и сметаме дека ќе ги едуцираме младите за да може полесно да најдат работа и да останат во нашата држава – рече Никола Мариноски, претседател на Прилепската регионална стопанска комора.
Извршниот директор на Стопанската комора на Македонија, Антони Пешев, нагласува дека според случувањата во европа поради кризата со енергенсите, има голема можност за врасќање на младите во земјава, но клучно е прашањето што ние ќе им понудиме за да останат тука. Потребен е стратешки план. Освен тоа, на регионт му е потребен влез на познати брендови.
-Сегашните случувања во Европа, генерално, даваат чувство дека ,можно е враќање на младите, за што треба да се има, генерално, добра стратегија, со оглед на тоа дека дури и кога тие би сакале да се вратат, ние мора да имаме подготвени планови како да се прифатат и да им се даде некаква можност брзода се реинтегрираат во средината. А дека постојат сигнали,може да констатирам дека животот воМакедонија, а и генерално, нивната позиција, е сѐ подобра и подобра, а, првенствено зашто Европа се наоѓа во тешка економска криза која се одразува ина нашителуѓе кои таму работат и живеат – рече Пешев.
Во Пелагонија и Преспа се 8 600 стопански субјекти, регионот бележи раст од 3,5 проценти и зголемен извоз. Има и 10 нови компании.
