Европскиот комесар за енергетика Дан Јоргенсен изјави дека земјите членки на Европската унија треба да разгледаат можност за намалување на потрошувачката на гас поради наглиот раст на цените.
Складиштата за гас во Европа во моментов се исполнети околу 70 отсто, додека цената на гасот на холандскиот референтен пазар TTF веќе со недели е над 70 евра за мегават-час. Тоа е ниво што не е забележано од енергетската криза во 2022 година.
„Се соочуваме со ценовна криза која е поврзана со кризата во снабдувањето“, предупреди Јоргенсен во писмо до министрите за енергетика на земјите членки, во кое увид имал Euractiv.
Во писмото од 25 септември, кое прв го објави Ројтерс, Јоргенсен наведе дека, покрај напнатата состојба на глобалниот пазар на течен природен гас (LNG), исклучително топлото и сушно лето дополнително ги оптоварило електроенергетските системи на неколку земји членки на ЕУ.
Тој ги повика земјите членки да разгледаат мерки со кои би се поттикнало дополнително полнење на складиштата или би се намалила потрошувачката на гас и електрична енергија.
Министрите за енергетика на ЕУ ќе се состанат на 29 септември во Ирска на неформални разговори.
