Одамна поминаа деновите кога Volkswagen Golf убедливо ја носеше титулата најпродаван модел во Европа, а сега има некои нови играчи.
Тесла ја држи електрификацијата, но не е најпродаваниот
Еден пример е Tesla, односно моделот Y, кој моментално го држи главниот товар на електрификацијата во Европа. Во текот на првите 10 месеци овој модел е продаден во дури 183.799 примероци, на пазарите на земјите од ЕУ, ЕФТА и Велика Британија. Сепак, тоа не значи дека Model Y е најпродаваниот европски модел, тој само е втор.
Статусот на најпродаван модел во Европа се уште го држи Dacia Sandero, дознава Automotive News. Еден од најевтините модели на европскиот пазар е исто така меѓу најпопуларните. Во првите десет месеци оствари минимално подобар резултат од Тесла во Европа, но сепак подобар. Sandero достигна продажба од 184.088 единици.
На трето место е Volkswagen T-Roc со 164.833 примероци, а на четврто е поранешниот европски бестселер Peugeot 208 со продадени 163.672 примероци. Топ 5 го заокружи Renault Clio со 154.493 продадени примероци оваа година, пренесува Index.hr.
