Индустриското производство во Северна Македонија во август се намали за 1,9 отсто во споредба со истиот месец минатата година, покажуваат најновите податоци на Државниот завод за статистика.
Падот е забележан во два од трите главни индустриски сектори. Рударството и вадењето камен имаат најголемо намалување од 10,1 отсто, додека преработувачката индустрија бележи пад од 1,3 отсто.
Единствен раст е забележан кај снабдувањето со електрична енергија, гас, пареа и климатизација, каде производството е зголемено за 0,8 отсто.
Податоците покажуваат дека послабата индустриска активност продолжува да биде предизвик за македонската економија. Во вториот квартал, сепак, БДП порасна за 4,3 отсто на годишно ниво.
