Американскиот претседател Доналд Трамп упати остро предупредување до иранските власти дека Соединетите Американски Држави ќе бидат подготвени да интервенираат ако режимот почне насилно да го гуши движењето на демонстрантите и почне да убива мирни учесници на протести.
На својата соцална мрежа Truth Social, Трамп напиша дека ако Иран „запука и насилно убие мирни демонстранти, што е нивна вообичаена практика“, САД ќе „стигнат во нивна помош“ и дека американските сили се „подготвени и вооружени“.
Што се случува во Иран?
Протестите во Иран ескалираа изминатите денови поради негативните економски трендови, вклучувајќи раст на инфлацијата и пад на вредноста на иранскиот риал, што предизвика широко незадоволство кај населението. Демонстрациите, кои започнаа во Техеран, се проширија во неколку градови низ земјата, при што според извештаи најмалку шест лица загинаа во судири меѓу демонстрантите и безбедносните сили.
Protests continued well into the night inside Iran, as seen here in 1. Isfahan 2. smashing down gates of a governmental building in Fars province and 3. the seizure and burning of a Basij headquarters in Asadabad, Hamadan last night. Most significantly however in 4. Baghmalek,… pic.twitter.com/OVCRfLXwbx
— Omid Djalili (@omid9) January 1, 2026
Информациите доаѓаат од иранската полуслужбена новинска агенција Fars и организацијата за човекови права Hengaw, а според нив некои од загинатите биле демонстранти, додека други извори наведуваат дека меѓу жртвите имало и припадници на безбедносните сили.
Иранските власти засега ја критикуваа интервенцијата од странство и обвинуваат дека странски моќници ги поттикнуваат немирите како дел од поголеми геополитички конфликти. Истовремено, протестите претставуваат најмасовни јавни демонстрации во земјата во последните години, најмалку од 2022 година кога избувнаа протести по смртта на Маха Амини.
Речиси истовремено, односите меѓу САД и Иран се на раб на тензија по последните американски удари врз ирански цели и зголемените стравувања од обновување на иранскиот нуклеарен програм.
Изјавата на Трамп доаѓа во време кога меѓународната заедница ја следи ситуацијата со растечка загриженост, а некои аналитичари предупредуваат дека уште поголема интервенција би можела да доведе до дополнително заострување на односите во регионот.
