Акциите на американскиот производител на чипови Интел вчера забележаа пораст од 30 проценти, откако Нвидиа (Nvidia) објави дека ќе инвестира 5 милијарди долари во компанијата.
Со овој потег, двете технолошки корпорации најавија партнерство за заеднички развој на чипови наменети за центри за податоци и персонални компјутери.
Инвестицијата се гледа како обид да се зајакне позицијата на Интел, кој во последните години се соочува со силна конкуренција и намалување на уделот на пазарот, особено во сегментот на најсовремени процесори.
Од друга страна, Нвидиа, која во моментов е највредната компанија во светот, преку овој чекор дополнително го консолидира своето водство во индустријата за графички процесори и вештачка интелигенција.
Аналитичарите оценуваат дека соработката може да донесе нова динамика на пазарот и да предизвика сериозни промени во технолошкиот сектор.
