Новата студија на Consumer Reports, која анализирала повеќе од 300.000 автомобили, заклучи дека електричните автомобили и plug-in хибридите имаат многу повеќе проблеми од традиционалните автомобили со мотори со внатрешно согорување.
Според студијата, електричните автомобили во просек имаат 42 отсто повеќе проблеми, додека plug-in хибридите имаат дури 70 отсто повеќе проблеми од конвенционалните автомобили. Стивен Елек, автомобилски аналитичар во Consumer Reports, објаснува дека повисоките стапки на дефекти се должат на фактот што технологијата за електрични автомобили е сè уште релативно нова. Барем до тој степен што сега ги гледаме на патиштата. Проблемите се движат од мали пречки како што се шкрипење на сопирачките и внатрешни дефекти до сериозни и скапи дефекти на батериите, моторите и системите за пренос.
Plug-in хибридите се издвојуваат со уште повеќе проблеми. Студијата нагласува дека нивната комбинација од два посебни погонски единици, електричен мотор и мотор со внатрешно согорување, го зголемува ризикот од технички дефекти. Во споредба со традиционалните хибриди, кои значително еволуирале и сега можат да се натпреваруваат со автомобилите на бензин, plug-in хибридите сè уште се помалку сигурни, пишува HAK Review.
Покрај техничките предизвици, студиите укажуваат и на потенцијално штетни последици доколку се запали електричен автомобил. Батериите во електричните автомобили содржат големи количини на литиум и други хемикалии. Пожарите во електричните автомобили тешко се гасат и често бараат специјална опрема, што ја влошува ситуацијата.
Истражувањето дава и преглед на најдоверливите и на најнедоверливите брендови. Тојота е на врвот на листата, додека американскиот (електричен) бренд Rivian има апсолутно најнизок рејтинг. Лошиот пласман на Ривиан се припишува на предизвиците со новата технологија за електрични возила.
Consumer Reports посочува дека податоците ги вклучуваат искуствата на сопствениците и техничките проценки и дека проблемите со електричните автомобили не мора да значат дека се несоодветни, туку дека технологијата се уште се развива.
