Русија до 2036 година ќе го зголеми производството на електрична енергија во нуклеарните централи за 37 отсто, на 3,7 терават часови, изјави вицепремиерот на руската Влада Александар Новак.
Во својата колумна за магазинот „Енерџи полиси“ тој истакна дека тоа може да ги зголеми можностите на земјата за извоз на мирољубиви нуклеарни технологии, пренесе ТАСС.
„Производството на електрична енергија во нуклеарните централи може да се зголеми од 2,7 на 3,7 теравати во следните дванаесет години“, посочи Новак.
Според него, Русија поставила одредени основи во областа на водородната енергија.
„Зголемената побарувачка за извори на енергија со низок јаглерод ја зголемува и побарувачката за нуклеарни технологии, каде што нашата земја има солидна позиција и сигурно лидерство во светот“, рече потпретседателот на руската влада.
