Милениумците (луѓе родени во периодот од почетокот на 80-тите до средината на 90-тите години на 20 век) би можеле да станат најбогатата генерација во историјата во следните 20 години, поради наследството на огромно богатство.
Ова беше објавено во овогодинешниот извештај на британската консултантска фирма Knight Frank. Споменатата генерација на луѓе, наречена и генерација Y, би можела да наследи богатство во вредност од дури 90 трилиони долари само во САД.
Лиам Бејли од гореспоменатата консултантска фирма верува дека приливот на богатство кај помладата генерација најверојатно ќе помогне да се зголемат еколошки одржливите инвестиции.
Младите остануваат дома со родителите за да заштедат пари. Но, тоа скапо ќе ги чини
„Милениумците се чини дека ја добија пораката кога станува збор за намалување на потрошувачката – 80 отсто од мажите и 79 отсто од жените (од милениумската генерација) рекоа дека се обидуваат да го намалат својот јаглероден отпечаток“, рече Бејли.
Милениумците сакаат да имаат голем финансиски прилив, но веќе се погодени од бројни шокови, како што се излегувањето на Велика Британија од Европската унија (Брегзит), пандемијата на коронавирус, инфлацијата, војната во Украина и Појасот Газа и енергетска криза.
Според извештајот на консултантската фирма Knight Frank, исто така се очекува дека бројот на богати луѓе ширум светот ќе се зголеми за 28,1 отсто до 2028 година. Сепак, овој раст е значително помал од растот во петте години до 2023 година, кога изнесуваше 44 отсто, пишува Euronews, а пренесува Klixba.
