До крајот на идната недела ќе има нов пакет антикризни мерки, откри Министерот за економија Крешник Бектеши. Според него, тие ќе почнат да се применуваат веднаш откако ќе бидат одобрени.
„Пакетот антикризни мерки вчера беше споделен од Министерството за финансии со Кабинетот на премиерот, со нас и со другите институции вклучени во неговото креирање. Најверојатно мерките ќе бидат објавени и ќе почнат со реализација кон средината или кон крајот на наредна недела“, кажа Бектеши.
Оваа недела пак, ќе бидат разгледани и забелешките и коментарите за Законот за нефер трговски практики и тие ќе се вградат во драфт верзијата на законското решение. Очекувањето на министерот е идната недела Законот да биде усовен од Владата и потоа да се достави на гласање во Собранието.
