Русија продолжува со разговорите со Кина за изградба на гасоводот „Сила на Сибир 2“, проект кој Москва го смета за клучен за зголемување на извозот на природен гас кон азискиот пазар.
Од Кремљ соопштија дека преговорите меѓу компаниите продолжуваат, но засега нема потврда кога би можел да биде постигнат конечен договор.
Проектот треба да овозможи транспорт на големи количини руски природен гас кон Кина, што е особено важно за Русија по намалениот извоз кон Европа. Сепак, аналитичарите оценуваат дека Пекинг и понатаму внимателно ги разгледува економските услови пред да донесе конечна одлука.
