Просечната исплатена месечна нето-плата по вработен во Хрватска во октомври годинава изнесува 1.340 евра, што е номинално повеќе за 1,4 отсто, а реално за 0,3 во однос на септември, објави Хрватскиот завод за статистика (ДСЗ).
Највисока просечна плата во десеттиот месец од годинава е исплатена во дејноста Воздушен сообраќај во износ од 2.206 евра.
Од друга страна, најниска просечна плата е забележана во индустријата за производство на облека, во износ од 863 евра.
Просечната месечна исплатена плата по вработен за октомври 2024 година во однос на истиот месец од претходната година е номинално повисока за 13,8 отсто, а реално за 11,4 отсто.
