Просечната септемвриска нето плата во Хрватска изнесуваше 1.456 евра, што е номинално повисока за 0,7 проценти, а реално за 0,3 проценти во споредба со август, објави денес Хрватскиот државен завод за статистика (ДЗС).
На годишно ниво, просечната хрватска нето плата е номинално повисока за 10,1 процент, а реално за 5,7 проценти во споредба со септември 2024 година.
Највисоката просечна месечна нето плата по вработен за септември 2025 година, како и во претходниот месец, е исплатена во категоријата воздушен транспорт и изнесува 2.409 евра.
Спротивно на тоа, најниската просечна нето плата во Хрватска е регистрирана во производството на облека во септември и изнесува 936 евра, според веб-страницата на ДЗС.
Медијалната нето плата во Хрватска за септември изнесуваше 1.260 евра, што значи дека половина од вработените во Хрватска заработуваат помалку од споменатата сума.
Како што е наведено во извештајот, платите во хрватските медиуми се зголемиле за 11,6 проценти во споредба со септември 2024 година.
