Демократите освоија мнозинство и во Претставничкиот дом и во Сенатот на американскиот Конгрес на меѓуизборите во САД, со што од јануари ќе ја преземат контролата врз двата законодавни дома, објави NBC.
По објавувањето на првичните резултати, претседателот Доналд Трамп објави фотографија од црвена капа со натпис „VETO“, алудирајќи на неговата намера да го користи претседателското право на вето за блокирање на законите што ќе ги усвојат демократите.
Новото мнозинство во Конгресот ќе им овозможи на демократите да отворат истраги за работата на Трамп, неговото семејство и неговата администрација, како и да вршат засилен надзор врз извршната власт.
Иако демократите ќе имаат контрола врз двата дома, Трамп ќе може да стави вето на законите што нема да ги поддржи. За Конгресот да го надмине ветото, потребни се две третини од гласовите во Претставничкиот дом и Сенатот.
