Расколот меѓу Доналд Трамп и Елон Маск сега стана официјален. Откако Трамп го критикуваше Маск за време на средбата со германскиот канцелар Фридрих Мерц, најбогатиот човек во светот почна да возвраќа со серија објави на Твитер.
„Без мене, Трамп ќе ги изгубеше изборите. Демократите ќе го контролираа Претставничкиот дом, а републиканците ќе имаа 51 наспроти 49 во Сенатот. Каква неблагодарност“, напиша Маск.
Во други објави, Маск го „проверуваше фактот“ на Трамп и напиша дека неговото тврдење дека бил вклучен во работата за буџетот на Соединетите Американски Држави е неточно.
„Лажно, овој закон никогаш не ми беше прикажан ниту еднаш и беше усвоен среде ноќ толку брзо што речиси никој во Конгресот не можеше ниту да го прочита!“, напиша Маск.
Во друг пост, Маск напиша: „Како и да е. Задржете ги намалувањата на стимулациите за електрични/соларни возила во законот, иако субвенциите за нафта и гас се недопрени (многу неправедно!!), но извадете еден куп одвратни глупости од законот. Во целата историја на цивилизацијата, никогаш не постоело законодавство кое е истовремено големо и убаво. Секој го знае тоа! Или добивате голем и грд закон или тенок и убав закон. Тенкииот и убавиот е патот.“
Трамп изговори низа остри зборови против Маск, а меѓу другото, изјави дека причината за неговото незадоволство е што буџетот не вклучува стимулации за електрични возила и дека не поставиле лице блиско до него на чело на НАСА.
