Претседателот на Соединетите Американски Држави, Доналд Трамп, изјави дека вештачката интелигенција (AI) во иднина треба да се нарекува „суперинтелигенција“, бидејќи тој термин звучи „многу подобро“ и е попрецизен.
Трамп на Генералното собрание на Обединетите нации рече дека сите документи на САД ќе бидат изменети за да го користат терминот „суперинтелигенција“, изразувајќи надеж дека тоа ќе го направат и другите земји.
Вештачката интелигенција, според неговите зборови, звучи како интелигенцијата да е „лажна“, а таа, како што наведе, е „неверојатна“.
Говорејќи за ризиците од новата технологија, Трамп рече дека секоја голема нова технологија носи предизвици и дека „суперинтелигенцијата не е исклучок“.
Тој ги спореди критичарите на вештачката интелигенција со луѓето кои предупредуваа на последиците од глобалното затоплување и климатските промени, тврдејќи дека терминот „глобално затоплување“ подоцна бил променет во „климатски промени“ бидејќи планетата, како што наведе, се ладела, а не се загревала.
Трамп рече дека тоа се истите луѓе кои сега тврдат дека вештачката интелигенција „ќе убие сè“, дека роботите ќе ги нападнат луѓето и дека сè ќе заврши „во целосна катастрофа“.
Говорејќи за регулирањето на вештачката интелигенција, Трамп рече дека САД „целосно го отфрлаат секој обид за создавање глобалистичка шема за контрола“ на таа технологија.
„Кој и да победи во трката за суперинтелигенција – тој победува“, рече Трамп.
