Иран и Турција планираат да воспостават зона на слободна трговија во западната иранска провинција Хој, потврди иранската новинска агенција ИРНА.
Планот го претстави секретарот на Врховниот совет на Иран за слободни трговски зони, Хосеин Фурузан, кој ја посети провинцијата.
Тој го истакна значајниот економски и сообраќаен потенцијал на Хој и потврди дека постапката за воспоставување на зоната веќе е влезена во правна процедура, откако добила одобрение од иранската влада.
Фурузан го нагласи и значењето на билатералните односи меѓу Иран и Турција, посочувајќи дека рамката за воспоставување на зоната ќе биде потврдена со меморандум за разбирање.
Според него, развојот на придружната инфраструктура во областа ќе биде од клучно значење за проширување на трговската размена меѓу двете земји.
Новата зона би требало да придонесе за олеснување на трговијата, подобро поврзување на двете земји и зголемување на економската активност во пограничниот регион.
