Ватиканската банка во својот 14-ти годишен извештај објави дека остварила профит од 51 милион евра во 2025 година, што е зголемување од 55,5 проценти во споредба со претходната година, објави италијанската новинска агенција Анса.
„Значителното зголемување на нето добивката е првенствено резултат на подобрените оперативни резултати, кои одразуваат активно и дисциплинирано управување со портфолиото, како и поволни пазарни услови“, се наведува во извештајот на банката.
Во извештајот се наведува и дека, со оглед на зголемената профитабилност, се зголемиле и ресурсите на Ватиканскиот пензиски фонд.
Банката додаде дека, со оглед на постигнатите резултати, поглаварот на Римокатоличката црква, папата Лав XIV, ќе добие дивиденда од 24,3 милиони евра.
