Италијанскиот гигант за чоколадо и слатки „Фереро“ потврди дека е под истрага од страна на Европската комисија за можни прекршувања на правилата за конкуренција.
Производителот на „Нутела“ и „Киндер“ објави дека претставници на ЕК моментално вршат инспекции во просториите на компанијата, објави „Фигаро“, пренесува SEEbiz.
Управата на групацијата, која исто така произведува шарени бомбони „ТикТок“, изјави дека „компанијата целосно соработува и ги доставува бараните информации“.
Европската комисија во понеделник објави дека спроведува ненајавени инспекции на неколку локации што му припаѓаат на производителот на чоколадо во две земји-членки.
Официјален Брисел изјави дека се плаши дека „компанијата што е предмет на инспекцијата можеби ги прекршила правилата за конкуренција на Европската унија, кои забрануваат картели и рестриктивни трговски практики, како и злоупотреба на доминантна позиција“.
