Темно чоколадо од брендот J.D. Gross, кое се продава во продавниците на „Лидл“ во Хрватска, се повлекува од продажба откако било утврдено присуство на кикирики што не се наведени на декларацијата на производот.
Станува збор за чоколадо со 70 проценти какао, во пакување од 125 грама. За повлекувањето информираше Државниот инспекторат на Хрватска, поради потенцијален здравствен ризик за лицата алергични на кикирики.
Проблемот е во тоа што кикириките не се означени како алерген на амбалажата, па потрошувачите со ваква алергија не можат да бидат предупредени за нивното присуство. За останатите потрошувачи производот не претставува ризик.
Повлекувањето се однесува на конкретна серија од производот, со рок на употреба до 4 април 2028 година и ознака LOT L233249A2.
Добавувач на чоколадото е германската компанија Rausch Die Schokoladenfabrik, а производот на хрватскиот пазар се дистрибуира преку малопродажната мрежа на „Лидл“.
Од надлежните институции појаснуваат дека повлекувањето се однесува исклучиво на производите со наведениот рок на употреба и сериски број, а не на сите чоколади од истиот бренд.
