Маск покренува голем проект во Европа: Инвестира три милијарди евра и отвора стотици работни места

Американскиот производител на електрични автомобили „Тесла“ планира инвестиција од три милијарди евра во проширување на својата фабрика во Гринхајде, во близина на Берлин, Германија.

Проектот предвидува изградба на нов производствен погон во кој ќе се произведуваат целосно автономните такси-возила Cybercab. Според најавите на компанијата, новата хала ќе има капацитет за производство до еден милион роботакси-возила годишно.

„Ги поставуваме темелите за технолошки најнапредната фабрика на Тесла во светот“, соопштија од компанијата.

Почетокот на изградбата е планиран за првата половина на 2027 година, додека производството би требало да започне во 2029 година. За реализација на проектот ќе бидат ангажирани неколку стотици работници, пред сè за градежните активности и подготовката на производството.

Инвестицијата од три милијарди евра ќе опфати и изградба на придружни објекти, како и постројки за преработка на отпадни води.

Од „Тесла“ планираат до крајот на годината да поднесат барање за градежна дозвола за новиот погон. Документацијата за планираното проширување на фабричкиот комплекс била доставена уште во 2023 година.

Американската компанија претходно ги одложи плановите за проширување поради падот на продажбата, но сега повторно ги активира инвестициите. Според податоците на германската Сојузна управа за моторен транспорт (KBA), во периодот од јануари до октомври во Германија биле регистрирани 47.742 нови возила на „Тесла“, што е околу трипати повеќе во споредба со истиот период минатата година.

Компанијата најави и зголемување на производството на 7.500 автомобили неделно, односно околу 375.000 годишно, како и проширување на капацитетите за производство на батериски ќелии.

Во фабриката во Гринхајде во октомври работеле околу 12.600 луѓе, а од компанијата потврдиле дека во последните неколку месеци биле вработени уште 2.000 работници.

Поврзани вести

Останете поврзани
36,851фановикако
12,358следбенициследете
Последни написи