Соединетите Американски Држави во четвртокот воведоа санкции за 11 кубански компании поврзани со резервите на никел и воени претпријатија во земјата, за кои Вашингтон тврди дека се дел од систем што ја збогатувал елитата, а им нанесувал штета на обичните Кубанци.
Американскиот државен секретар Марко Рубио изјави дека санкциите се воведени за четири државни претпријатија поврзани со резервите на никел, четири воени компании кои се занимаваат со истражување и развој на системи за вооружување, како и за тројца воени функционери.
Високиот кубански дипломат Бруно Родригез претходно изјави дека американските санкции „предизвикуваат смртни случаи“ на Куба, додека економијата на островот се соочува со сериозен недостиг на основни производи.
САД ја означија кубанската влада како закана за националната безбедност, додека Куба тврди дека не претставува закана за САД.
