Основачот на Амазон Џеф Безос за помалку од 13 минути заработува повеќе отколку што заработува просечниот човек во текот на животот, покажуваат податоците објавени од магазинот Fortune.
Во 2023 година, богатството на Безос се зголемило од 107 на 177 милијарди долари, што одговара на зголемување на богатството за 191,78 милиони долари дневно или за околу 7,99 милиони долари на час, пренесува порталот Yahoo Finance.
Според податоците од 2023 година, просечниот Американец заработува 1,7 милиони долари во текот на својот работен век, а Безос оваа сума ја заработува за приближно 0,21 часа, односно за 12,76 минути.
Амазон е глобален гигант за е-трговија и една од „Magnificent Seven“ американски технолошки компании со најголема пазарна вредност.
