Првичните информации од индиските власти беа дека сите патници на авионот на Ер Индија, кој се урна денес во градот Ахмедабад, загинале, но се појави вест дека еден патник ја преживеал несреќата.
Комесарот на полицијата во Ахмедабад, Г.С. Малик, за новинската агенција АНИ изјави дека еден патник преживеал. Тој бил на седиштето 11А во авионот.
Во разговор со индиската новинска агенција АНИ, Малик рече дека преживеаниот „бил во болница и се лекува“.
Списокот на патници што претходно го објавија властите го идентификувал патникот на седиштето 11А како Вишваш Кумар Рамеш и бил Британец.
Индиските медиуми велат дека разговарале со Вишваш во болница. Тој им го покажал својот авионски билет, на кој било неговото име и бројот на седиштето 11А.
Преживеан патник рекол: „Триесет секунди по полетувањето, се слушнал гласен шум, а потоа авионот се урна. Сè се случило толку брзо“, објави Би-Би-Си.
