Во бајадерите купени во Интерспар во Копривница во три наврати биле пронајдени црви, поради што фабриката „Краш“ која ги произведува, ја негирала вината, наведувајќи дека нивните производи се чувствителни на услови за складирање.
Купувачите пронашле црви кај бајадерите во јануари годинава, потоа во јуни, а последниот случај бил пријавен минатата недела, на Фејсбук на здружението на потрошувачи „Ало, инспекторе“, пренесува Index.hr.
„Во фабрички спакувано пакување на популарната бонбона, со соодветен рок на употреба – до 02.01.2025 година имало дебели, бели црви, објави на Фејсбук здружението на потрошувачи „Ало, инспектор“, додавајќи дека црвите што се појавиле на почетокот на зимата тие беа кафени и долгнавести, додека сега се дебели и бели.
Од „Краш“ веднаш реагираа, потенцирајќи дека голем дел од нивните производи се чувствителни на условите за складирање.
„Со бајадерата постои можност од „наезда“ загадување поради неправилно складирање. За развој на ларвата на молецот потребни се 21 ден. Молецот може да навлезе низ амбалажата доколку условите за складирање се несоодветни, или доколку производот се чува блиску до брашнести материјали“, истакна Краш.
„За жал, не можеме целосно да ги контролираме пазарните услови“, додаваат во соопштението.
Од здружението „Ало, инспекторе“ наведуваат дека експертите им рекле дека причина за појавата на црви во бајадерите може да бидат лешниците кои не биле доволно термички обработени за да ги уништат јајцата и дека се уште чекаат одговор од трговскиот синџир Спар.
