„Тесла“ извојува голема победа на суд во случај на сообраќајна несреќа со фатален исход, која вклучуваше напредна функција за помош на возачот – Автопилот. Ова може да биде голем знак бидејќи американскиот производител на автомобили се соочува со неколку слични тужби низ САД.
Случајот покренат во државниот суд во Калифорнија отиде во корист на „Тесла“ откако 12 членови на поротата гласаа девет спрема три во корист на производителот на електрични автомобили, пишува Automotive News, а пренесува N1.
Против Тесла беше поднесена граѓанска тужба откако моделот 3 на возачот Мика Ли излета од автопатот во 2019 година. Автомобилот возел со 105 км/ч и удрил во палма, по што се запалил. Според обвинителот, сето тоа се случило во рок од неколку секунди. Во несреќата загинал Ли, а неговите двајца сопатници се тешко повредени и решиле да ја тужат Тесла.
Еден од двајцата сопатници тогаш имал осум години и во несреќата бил тешко повреден. Обвинителите рекоа дека Тесла го продал автомобилот знаејќи дека автопилотот е неисправен, додека Тесла тврди дека човечката грешка ја предизвикала несреќата.
Тесла ја отфрли одговорноста, велејќи дека Ли конзумирал алкохол пред да влезе во возилото. Американскиот производител на електрични автомобили, исто така, рече дека не е јасно дали автопилотот бил вклучен кога се случила несреќата. Без цврсти докази дека автопилотот е виновен, не е ни чудо што Тесла беше ослободен од обвиненијата.
Пресудата е голема победа за Тесла, која се соочува со неколку слични правни битки низ целата земја и може да биде знак за другите производители на автомобили кои користат слична технологија.
