Јапонскиот технолошки гигант Sony објави дека неговиот оперативен профит во периодот јули-септември паднал за 29 отсто на годишно ниво, на 263 милијарди јапонски јени.
Во споменатиот период Sony забележа приход од 2,8 трилиони јени, осум отсто повеќе во однос на истиот квартал од 2022 година, пренесува CNBC.
Јапонската фирма изјави дека падот на профитот е предизвикан од послабата продажба на чипови – 28 отсто помалку од минатата година, како и полошите резултати во секторот за услуги и забава и други области.
И покрај падот на профитот, компанијата ја ревидираше нагоре својата прогноза за цела година, велејќи дека очекува вкупен приход од 12,4 трилиони ¥ бидејќи има корист од слабоста на јапонската валута во однос на доларот.
Sony очекува да продаде 25 милиони PlayStation 5 конзоли оваа година, во согласност со претходните планови.
