Агенцијата за недвижности за среднорочно изнајмување „Housing Ever“ ги прегледа кириите за повеќе од 67.000 домови во 28 европски градови во првиот квартал од оваа година.
Амстердам го зазеде првото место по цени, пред Рим и Париз, пренесува „NL Times“.
Амстердам е на прво место во сите три категории со просечна кирија од 2.276 евра месечно за стан, 1.740 евра за гарсоњера и 963 евра за соба.
Просечната кирија за стан во Ротердам е 1.795 евра, а во Хаг 1.790 евра.
Во Ротердам цените на киријата се зголемија за 15,8 отсто на годишно ниво, а во Хаг за дури 25,6 отсто.
На листата на десетте најскапи градови за изнајмување се наоѓа уште еден холандски град Утрехт, кој го зазеде седмото место со просечна кирија од 1.746 евра.
Холандската асоцијација на станари Vonbond соопшти дека е шокирана од резултатите од истражувањето.
Веќе знаевме дека кириите се високи, но тоа што излеговме како „победници“ на ова истражување, односно губитници е тажна вест“, истакнува Мартен Видермаер од таа организација.
Според него, истражувањата покажале дека цените за изнајмување во Холандија се превисоки и мора да се ограничат.
