Цените на нафтата во вчера паднаа на најниско ниво од крајот на август, при што Брент цената повторно падна под 90 долари.
Трговците засега го отфрлаат црното сценарио дека Иран би можел да се приклучи на војната меѓу Израел и Хамас или дека би можело да се случи поголем шок во снабдувањето со гориво.
На најновите намалувања на цената на нафтата пак влијаат и факторите од страната на побарувачката. Не се работи само за Европа, која во моментов е на работ на рецесија, туку и поради неповолните кинески податоци, бидејќи индексот кој ја мери производната активност, во октомври неочекувано почна да паѓа.
Од друга страна, Светска банка забележува дека светската цена на нафтата во последниот квартал од оваа година во просек би требало да биде 90 долари за барел од 159 литри, а следната година 81 долар. Овие проекции не би биле валидни доколку конфликтот на Блискиот Исток значително ескалира. Светска банка предупредува дека во тој случај цената на нафтата би можела да надмине 150 долари, што би ја направило ситуацијата слична на нафтениот шок од 1973 година.
