Групацијата Уникредит е прогласена за најдобра банка за 2023 година. Покрај ова престижно признание, Банката беше прогласена и за најдобра во Западна Европа како дел од наградите за Банка на годината што ги организира реномираниот магазин The Banker. За време на традиционалната церемонија одржана во Лондон, UniCredit беше прогласена и за банка на годината во Италија и Бугарија.
Станува збор за награда која се смета за пазарен стандард за извонредност во банкарството, а како дел од оваа награда, магазинот ги оценува водечките светски финансиски институции врз основа на нивната способност да генерираат принос, да стекнуваат стратешка предност и да обезбедуваат услуги на пазарите.
„Ние сме исклучително горди на овие достигнувања, кои ја демонстрираат заедничката сила на нашите тринаесет банки низ Европа и потврдуваат дека клиентите се во центарот на сè што правиме. Сето ова, секако, беше овозможено од колегите кои застанаа зад стратегијата и културата на извонредност што ги негуваме во банката. Ќе продолжиме да ја подигаме границата за сите наши клиенти и заедници на патот кон нашата цел да станеме банка за иднината на Европа“, рече Андреа Орсел, главен извршен директор на Уникредит.
Банкер, дел од Групацијата Фајненшл Тајмс, обезбедува економски и финансиски информации за глобалниот финансиски сектор и има изградено репутација за објективно известување од своето основање во 1926 година.
На почетокот на оваа година, The Banker ги прогласи UniCredit за најдобра банка за иновации во дигиталното банкарство, за најдобра банка во Западна Европа и за најдобра банка за плаќања во наградите за иновации во дигиталното банкарство и трансакциското банкарство.
Новите награди се дополнително признание за трансформацијата на UniCredit, за што сведочат овогодинешните Euromoney награди за извонредност, во кои банката беше прогласена за најдобра во Централна и Источна Европа, како и за најдобра банка и најдобра инвестициска банка во Италија, и во четири дополнителни земји каде што е присутна банката.
