На социјалните мрежи се шири видео од Крагуевац, на кое, наводно, група граѓани со српски знамиња, во придружба на полицијата, оди од куќа до куќа каде што живеат мигранти и им покажува дека не се добредојдени.
Не се знае точната адреса и времето на снимањето, но судејќи според снимката, веројатно станува збор за предградие на Крагуевац.
🚨🇷🇸WATCH: Serbian patriots marching through the streets of Kragujevac, going door-to-door at migrant housing.
— Mario ZNA (@MarioBojic) December 7, 2025
"This isn’t London, Paris or Berlin – you don’t get to do whatever you want here." pic.twitter.com/XYnLusGoJr
„Нетолеранцијата кон мигрантите расте низ цела Европа, а српскиот народ е особено чувствителен на ова прашање, и не е прв пат да имаме случаи на негодување кон мигрантите, чиј број се зголемува. Во Србија, ситуацијата не е толку алармантна како во соседните земји како Хрватска или Босна и Херцеговина, како и во други европски земји, но можеби токму вака треба да се „спречува, а не да се третира“, се наведува во текстот на порталот Pulssumadije.com кој го пренесува настанот.
Темата неколку пати го привлече вниманието на српската јавност. Сегашните српски власти тврдат дека ги имаат работите под контрола, дека Србија нема голем број мигранти и дека за мигрантите Србија е само попатна точка, а не крајна цел. Во исто време, српските власти постојано ја информираат јавноста дека приливот на странска работна сила ќе се зголеми поради недостатокот на работна сила во речиси сите економски сектори.
