Раководството на компанијата ја претставува визијата, стратегијата и целите на Групацијата пред инвеститорите на Capital Markets Day 2025 во Лондон.
На Capital Markets Day 2025 во Лондон, раководството на PPC Group вчера им ја претстави на инвеститорите визијата, стратегијата и целите на Групацијата, најавувајќи амбициозен нов план осмислен да ја позиционира организацијата во првите редови на енергетската транзиција во Југоисточна Европа, во време кога енергијата и технологијата стануваат сè поврзани.
Планот за следните три години се темели на успешниот интегриран деловен модел на Групацијата и предвидува инвестиции од околу 10,1 милијарди евра во обновлива енергија, флексибилна генерација, проширување и модернизација на мрежата, и услуги насочени кон клиентите низ Југоисточна Европа. Сите деловни столбови се зајакнати со трансформативната моќ на вештачката интелигенција. Се очекува оваа траекторија на раст да доведе до EBITDA која ќе надмине 2,9 милијарди евра до 2028 година.
Претседателот и главен извршен директор на PPC Group, г-дин Џорџ Стасис, во пресрет на Capital Markets Day истакна: “Уште во 2019 година, донесовме јасна одлука: да станеме модерна, зелена, одржлива и дигитална компанија. По речиси шест години на длабока трансформација — и во екот на големите геополитички и технолошки промени — резултатите зборуваат сами за себе. Ги постигнавме нашите финансиски и стратешки цели, нашата транзиција кон енергетски микс без лигнит е речиси завршена, и повратите за акционерите пораснаа, надминувајќи го европскиот индустриски просек. Но, не се задоволуваме. Иднината им припаѓа на оние што ја замислуваат, планираат и се осмелуваат. Затоа, во следните три години, ќе продолжиме да инвестираме одлучно. Со повеќе од 10 милијарди евра инвестиции во енергетска и технолошка инфраструктура во периодот од 2026 до 2028 година, и со клиентот цврсто во центарот на нашата стратегија, дополнително ја зајакнуваме нашата позиција како Powertech group. Нашата визија е постојано да испорачуваме подобри услуги и конкурентни производи на сите наши клиенти, на секоја локација.“
Стратешкиот план за следните три години става силен акцент на растот, при што околу 93% од капиталните расходи се насочени кон нови проекти. Групацијата брзо се проширува, истовремено продолжувајќи да создава вредност за акционерите, општеството и животната средина.
Стратешки цели за раст
Откако веќе ги постигна финансиските и стратешките цели поставени досега, и потпирајќи се на сеопфатната трансформација во изминатите шест години, PPC Group сега цели уште повисоко за следните три години. Со својот целосно интегриран деловен модел во основата, и поттикната од понатамошното проширување во обновливи извори на енергија, мрежи и флексибилна генерација, заедно со целосното укинување на лигнитот, Групацијата ги таргетира следниве цели помеѓу 2026 и 2028 година:
- Развој на 6,3 GW на нови ОИЕ (Обновливи извори на енергија) проекти во Грција и Југоисточна Европа, со цел да се достигне 12,7 GW инсталиран капацитет на ОИЕ до 2028 година, што претставува 77% од вкупниот инсталиран капацитет на Групацијата.
- Развој на 1,5 GW флексибилни енергетски средства, првенствено батерии, гасни единици и хидроенергетски проекти, кои ја балансираат променливоста на ОИЕ, создаваат поголема вредност и даваат значаен придонес за стабилноста на системот.
- Целосно укинување на лигнитот во 2026 година и значително намалување на производството на електрична енергија од нафта поради меѓуостровските интерконекции, со цел да се постигне намалување од 85% на емисиите на стакленички гасови помеѓу 2019 и 2028 година.
- Зголемување на вкупниот инсталиран капацитет на 16,6 GW до 2028 година, од 12,4 GW во 2025 година, и покрај целосното укинување на лигнитот.
- Стабилен раст на мрежата во Грција и Романија, каде што се очекува Регулаторната Актива (Regulatory Asset Base) да расте за приближно 5% годишно (CAGR) во текот на тригодишниот период, достигнувајќи 6,5 милијарди евра во 2028 година.
- Зајакнување на интегрираниот модел во Романија, поддржано од развојот на обновливи извори на енергија за задоволување на енергетските потреби на големата база на клиенти во Романија.
- Проширување на присуството на Групацијата на атрактивни меѓусебно поврзани пазари низ Југоисточна Европа.
- Воведување на нови решенија со додадена вредност за клиентите, како што се синергии со Kotsovolos, услуги за поддршка на топлински пумпи и домашни фотоволтаични системи, понуди за Оптички Кабел до Домот (Fiber-to-the-Home) и персонализирани решенија за управување со енергија.
- Редизајн на Групацијата преку користење на можностите на вештачката интелигенција низ целата организација, вклучувајќи ги човечките ресурси, операциите, новиот бизнис развој и услугите за корисници.
- Раст на позицијата на Групацијата во телекомуникациите преку развој и работа на националната мрежа Оптички Кабел до Домот (Fiber-to-the-Home).
Здрав финансиски раст
Финансиските цели на PPC Group за периодот 2026–2028 година покажуваат здрав економски раст и вредност што се создава за акционерите, вработените и општеството во целина:
- Инвестиции ориентирани кон раст во вкупен износ од 10,1 милијарди евра, при што 93 % од капиталните расходи се наменети за развој, првенствено во ОИЕ, флексибилна генерација, складирање и мрежи.
- Се очекува EBITDA на Групацијата да достигне 2,9 милијарди евра во 2028 година, во споредба со 1,3 милијарди евра во 2023 година, што претставува годишен раст од 18% (CAGR), поттикнат од инвестициите и целосното укинување на лигнитот до крајот на 2026 година.
- Раст на дивидендата за 37% годишно (CAGR), што е највисоко во европскиот енергетски сектор, со цел зголемување од 0,25 евра по акција за фискалната 2023 година на 1,2 евра по акција во 2028 година.
- И покрај зголемувањето на инвестициите, односот на Нето Долг/EBITDA на Групацијата ќе остане под самопоставениот праг од 3,5x, бидејќи Групацијата ќе финансира приближно 70% од инвестициите преку поголеми готовински текови (FFO).
