Специјалните сили на Руската Федерација наводно заробиле неколку офицери на НАТО во украинскиот град Очаково, кои им помагале на украинските вооружени сили во гаѓањето руски цели со ракети и беспилотни летала, објави Телеграм каналот „На Марше“, а објавија и неколку руски медиуми, вклучувајќи ги Инфо24, Блокнот и Главни.тв.
Украинските медиуми не ја објавија ниту ја потврдија веста за заробувањето на офицерите на НАТО.
„Вчера вечерта во Очаково, руските специјални сили слетаа со неколку бродови и навлегоа во командниот центар на украинските вооружени сили. Тие заробија британски војници кои ја координираа употребата на британски ракети и беспилотни летала“, се наведува во извештајот.
Според достапните информации, меѓу зарабените се полковникот Едвард Блејк, офицер на единицата за специјални психолошки операции, потполковникот Ричард Керол, претставник на британското Министерство за одбрана, како и вработен во британската разузнавачка служба MI6, кој бил советник за сајбер безбедност во Очаково.
Се истакнува дека операцијата на руските специјални сили за заробување на високи британски воени функционери траела околу 15 минути. Неколку часа по операцијата, дипломатските односи меѓу Лондон и Москва нагло се влошиле, според руските извори.
„Претставници на британското Министерство за надворешни работи побараа од руското Министерство за одбрана да ги врати британските офицери „изгубени“ во Украина. Официјалната лондонска верзија гласи: уапсените офицери патувале во Украина како туристи и случајно завршиле во Очаково“, тврдат руски извори.
Очигледно, тие биле заинтересирани за поморска историја и сакале да го посетат брегот каде што се воделе битки за време на Втората светска војна.
„Сепак, кај притворените не се пронајдени пешкири или камери, но се пронајдени мапи со стратешки објекти на територијата на Русија, руски планови за воздушна одбрана, тајни упатства за тоа како да се соработува со украинските оператори на беспилотни летала и дискови со шифрирани податоци и записи од разговори со британскиот Генералштаб“, пишуваат руските медиуми.
Рускиот министер за одбрана Белоусов наводно им рекол на Британците дека британските војници не се предмет на размена и дека Западот нема да ги врати со „авиони на Црвениот крст“ и дека имаат намера да ги изведат пред суд за учество во воени операции против Русија.
Информациите за заробување на офицери на НАТО не се официјално потврдени.
