Строгите правила во Грција ги изненадија туристите – казна до три месеци затвор и 350 евра, а еве што уште треба да знаете за одморот во 2025 година.
Грчкото Министерство за туризам објави нови мерки во врска со кампер возилата и камперите.
Во соопштение за медиумите, Министерството даде појаснување во врска со Законот 5170/2025 за камп возилата и камперите и нагласува дека најновата регулатива само правно го потврдува она што веќе се смета за стандард во сите добро регулирани земји – заштитата на јавните добра како што се хигиената и безбедноста, со експлицитна забрана за злоупотреба на јавниот простор на сметка на природната и културната средина, пишува protothema.gr.
„Го заштитуваме јавниот интерес и ја зајакнуваме законитоста“, се вели во соопштението на министерството.
Министерството истакна дека посетителите со камп-возила можат да паркираат во лиценцирани, организирани кампови кои ги исполнуваат здравствените, безбедносните, урбаните и еколошките стандарди.
Овој закон става крај на неовластеното окупирање на просторот, поточно шумите, бреговите, археолошките локалитети и други јавни простори од страна на камп возила и кампери.
Во соопштението се нагласува дека оваа регулатива е во согласност со постојната законска рамка, особено со член 10 од Законот 392/1976 и член 7 од Законот 4276/2014, кои забрануваат поставување шатори или паркирање камп-комбиња на археолошки локалитети, брегови, плажи, шумски рабови, шуми и други јавни простори. Исто така, на трговците или приватните лица им е забрането да сместуваат повеќе од едно камп-комбе.
Понатаму, новата одредба го потврдува членот 34 од Законот за сообраќај (КОК), кој е во сила од 1999 година, а кој гласи:
Прописот изрично дозволува бесплатен паркинг (престој) на еден кампер, но секое понатамошно користење на просторот бара регистрација. Оваа мерка има за цел да ги потисне нелегалните активности.
Туристички даноци: Од 2025 година, Грција воведува нови туристички даноци кои се разликуваат во зависност од видот на сместување и периодот на престој
Дневна цена за сместување: Вон сезона (ноември-март): 2 евра по лице. Во сезона (април-октомври): 8 евра по лице.
Еколошка такса: До 10 евра од ноќ, во зависност од категоријата на сместување.
Данок за крстарење: 20 евра по лице за Санторини и Миконос; 5 евра по лице за други дестинации.
Правила на плажа
Новите прописи бараат најмалку 50% од површината на плажата да остане достапна за јавноста, без лежалки и чадори изнајмени од баровите и кафулињата на плажа. Властите користат сателитски снимки и вештачка интелигенција за да ги следат и спроведуваат овие правила.
