Србија и Русија работат на изнаоѓање решение за непреченото снабдување со гас за Србија по новите американски санкции насочени против Газпром банка, изјави генералниот директор на Јавното претпријатие Србијагас, Душан Бајатовиќ.
Во четвртокот, Соединетите Американски Држави воведоа санкции за гореспоменатата банка и шест нејзини странски филијали.
Душан Бајатовиќ за агенцијата РИА Новости изјави дека со одлуката да се вклучи Гаспром банката на листата на руски санкции, американската администрација во заминување „се обидела да ги казни сите европски земји кои купуваат гас од Русија“.
Најголеми купувачи на руски течен природен гас (ЛНГ) се Франција, Шпанија и Белгија, а гасоводот ги снабдува Унгарија, Словачка и секако Србија, како и многу други – наведува тој. Според него, овие санкции се насочени против рускиот гас, а Гаспромбанка се користи „само како механизам за нивно спроведување“.
Според генералниот директор на српската државна компанија, санкциите се повеќе стануваат дел од личните препукувања на американската администрација во заминување, „што само ќе предизвика дополнителен сомнеж и пред се разочарување на голем дел од бизнис елитата“.
– Интензивно работиме со нашите руски колеги на изнаоѓање решение за непречено снабдување со гас за Србија, но потребен е висок степен на координација на сите учесници во процесот – рече тој.
Бајатовиќ изрази надеж дека новата американска администрација ќе има поинаков пристап кон решавање на прашањето за снабдување на Европа со гас и финансиски санкции за да ги плати потребните извори на енергија.
