Најпознатата криптовалута во светот оваа година ја зголеми својата вредност повеќе од двојно, објави Ројтерс.
Според CNBC, биткоинот, кој собори рекорди оваа недела, ја претставува надежта дека новоизбраниот американски претседател Доналд Трамп ќе воведе златно доба за криптовалутите, што ќе вклучи поповолна регулатива за индустријата и потенцијално воспоставување на национални стратешки резерви или залихи на биткоини.
Аналитичарот на Swan Bitcoin, Сем Калахан, изјави за CNBC дека растот на биткоинот е поттикнат од голем број фактори, вклучително и подобрување на ликвидноста, зголемување на институционалното прифаќање и други. Цената на биткоинот се очекува да достигне 100.000 долари оваа година, а да се удвои до крајот на 2025 година. Според CNBC, биткоинот годинава пораснал за повеќе од 127 отсто.
