Рускиот платен систем Мир е поврзан со иранскиот систем Шетаб, а сега во Русија ќе може да се повлекуваат пари од иранските картички, пренесе Тасним.
– Со спроведувањето на овој проект правиме голем чекор кон дедоларизација и поедноставување на меѓусебните спогодби меѓу двете земји, Исламската Република Иран и Русија – изјави шефот на иранската централна банка, Мухамед Реза Фарзин.
Во втората фаза од проектот, руските туристи ќе можат да подигнат готовина од картичките на руските банки во Иран.
Има и трета фаза на интеграција на платните системи Мир и Шетаб, но засега не се знае како ќе изгледа, пренесува рускиот медиумски сервис РБК.
На почетокот на годинава властите во Техеран предложија поврзување на сите платежни системи на земјите од БРИКС на линијата на интеграцијата на руски Мир и ирански Шетаб, а Москва позитивно ја оцени оваа иницијатива, пренесува Танјуг.
