Компанијата Мета отпушти дваесетина вработени во Лос Анџелес затоа што ги користиле своите кредити за оброци од 25 долари за да купуваат предмети за домаќинството, вклучително и чистачи за акни, чаши за вино и детергент за перење.
Отпуштањата дојдоа минатата недела, само неколку дена пред компанијата од 1,5 трилиони долари да започне со реструктуирање на одредени тимови во WhatsApp, Instagram и Reality Labs, нејзината единица за зголемена и виртуелна реалност, пишува порталот Financial Times.
Како и повеќето големи технолошки компании, Мета нуди бесплатна храна како поволност за вработените во своето големо седиште во Силиконската долина. Вработените во помалите канцеларии, каде што нема менза, добиваат кредити за платформите Uber Eats или Grubhub за испорака на храна до канцеларијата.
На вработените им се даваат 20 долари за појадок, 25 долари за ручек и 25 долари за вечера секој ден, при што кредитите се издаваат во износ од по 25 долари. Оние кои се отпуштени, подолг период ги злоупотребувале кредитите за храна, велат изворите. Некои ги комбинирале парите, а други нарачувале оброци за дома, иако кредитите биле наменети за оброци во канцеларија.
Вработените кои само повремено ги кршеа правилата беа опоменати, но не и отпуштени. Во една објава на анонимната платформа Blind, поранешната вработенаво Мете напиша дека користела кредити од 25 долари за да купи работи како паста за заби и чај од аптека, ако знаела дека нема да јаде во канцеларија, сметајќи дека не треба да троши кредит за вечера.
Поранешен вработен, кој рече дека добивал околу 400.000 долари плата годишно во Мета и дека работел ноќи и викенди, рече дека ја признал грешката кога човечките ресурси ја истражувале практиката, но подоцна неочекувано бил отпуштен.
Речиси беше нереално дека тоа се случува“, напиша отпуштениот.
