Црногорската министерка за труд и социјала Наида Нишиќ најави дека на сите во таа земја чија пензија е повисока од 450 евра, приходите од 2025 година ќе им бидат зголемени за 50 до 60 евра.
Таа најави дека пензиите дефинитивно ќе бидат повисоки за Нова година бидејќи зголемувањето на минималната плата влијае и на зголемувањето на просечната плата, а со тоа и на зголемувањето на пензиите, пренесе РТЦГ.
Нашите граѓани кои добиваат повеќе од 450 евра, а немаа покачување во јануари минатата година, ќе добијат покачување од 40, 50, 60 евра во зависност од пресметковната вредност“, изјави таа.
Таа истакна дека на овој начин ќе се коригира линеарното зголемување на пензиите и ќе изнесува седум до осум проценти.
Таа рече и дека мајките на три или повеќе деца можат да преминат од бенефиции на пензии доколку ги исполнат условите.
