Хрватската економија ќе порасне за 3,6 отсто во 2024 година, со побрзо темпо во споредба со минатогодишниот раст од 3,1 отсто, се вели во есенската прогноза на Хрватската народна банка (ЦНБ).
Очекувањата за економски раст во Хрватска во 2024 година се зголемени за 0,4 отсто во однос на претходната јунска прогноза на банката.
Хрватската народна банка очекува континуиран силен раст на личната потрошувачка и инвестициските активности во земјата. Растот на инвестициите во Хрватска оваа година може да биде двоцифрен и со тоа значително да ги надмине претходните проекции, се вели во извештајот.
Во следната година економскиот раст во Хрватска ќе забави на 3,2 отсто, а во 2026 година на 2,7 отсто, пренесува ХРТ.
Стапката на инфлација во Хрватска, мерена со хармонизираниот индекс на потрошувачките цени (ХИЦП), оваа година во просек ќе биде 3,9 отсто и ќе падне на 3,4 отсто во 2025 година и 2,3 отсто во 2026 година, соопшти Хрватската народна банка.
