Германските работодавци сметаат дека е разумно вработените кои работат во канцеларии да се пензионираат на 70 години.
„Работник во фабрика не може да работи толку долго, но некој што седи во канцеларија може“, вели Стефан Волф, шеф на здружението на работодавци во металната индустрија.
Германија постепено ја зголемува старосната граница за пензионирање, така што во 2029 година ќе биде 67 години, наместо сегашните 65. Во петокот, Волф за јавниот радиодифузен сервис SWR изјави дека на земјата и треба повеќе, а не помалку извршена работа за да биде поконкурентна, пишува dpa.
Тој ги отфрли барањата за четиридневна работна недела со целосна плата.
Во металната и електроиндустријата работната недела е веќе скратена на 35 часа и не може дополнително да се скрати, рече тој. „Не сум против четиридневна работна недела, но сум против скратување на работната недела воопшто.
Волф ја предводи организацијата на сите здруженија на работодавачи на металната и електричната индустрија, сектор кој вработува околу четири милиони луѓе.
