Куба исклучи речиси три четвртини од јавните светла за време на шпицот за да се справи со растечкиот недостиг на енергија и растечката економска криза.
Кубанскиот министер за енергија и рударство, Висенте де ла О Леви, рече дека мерката е една од многуте, која вклучува затворање на бројни владини служби и реорганизација на производството, со цел да се олесни недостигот на електрична енергија во земјата, пренесе Ројтерс.
Тој претходно рече дека Куба добила само 46 отсто од планираниот увоз на гориво, што предизвика долги прекини на електричната енергија низ целата земја, со исклучок на главниот град Хавана.
Агенцијата забележува дека недостигот на струја, кој го нарушува секојдневниот живот и економијата, ја пустоши комунистичката земја веќе неколку години, но драстично се влоши во последните месеци поради недостигот на гориво и потребата да се одржува дотраената инфраструктура.
Земјата зависна од увоз се најде во голема економска криза, олицетворение на падот на БДП од 10 отсто од 2019 година, за што Хавана во голема мера ги обвинува санкциите на САД од времето на Трамп, насочени кон туризмот, медицинските услуги и дознаките од странство .
Сè е дополнително засилено со пандемијата на ковид, зголемените трошоци за снабдување и слабите можности за реструктуирање на централизираната економија во која доминира државата.
Недостигот на девизи за увоз на храна, лекови, гориво и други основни потреби годинава се влоши, покажуваат официјалните податоци.
