Иницијативата Отворен Балкан, која обезбедува слободен пристап до пазарот на трудот меѓу земјите од Западен Балкан. Се очекува најголем број луѓе да го најдат своето решение и да си ја исполнат желбата да работат во Србија, Македонија или Албанија, во зависност од нивните потреби и вештини. Но, дали тоа значи дека Отворениот Балкан е нов предизвик за одливот на кадри од Македонија?
Слични се и просечните плати – во Србија се 758 евра, во Албанија 699 евра, а во Македонија 614 евра. Истовремено, одливот на персонал во европските земји е главниот проблем на трите земји. Бизнисмените очекуваат дека Отворениот Балкан како поголем пазар ќе го олесни доаѓањето на работници од трети земји.
Ангел Димитров, претседател на Собранието на Здружението на работодавачи на Македонија, за Нова Македонија вели дека младите Македонци главно своето постоење го гледаат во Хрватска, Словенија или Германија, каде што се донесени многу мерки за либерализација на пазарот на трудот, па затоа не верува дека голем број ќе одлучуваат за Албанија или Србија .
- Наша основна задача е како да бидеме најатрактивна дестинација за работниците од странство и како да ги задржиме младите во земјава. Да ја направиме Македонија пожелно место за работа и живеење, но за тоа ни се потребни храбри реформи на институциите, владеење на правото, подобрување на инфраструктурата и економски реформи со што ќе се зголеми животниот стандард на граѓаните. Без тоа земјата полека ќе се испразни, а пензионерите ќе немаат каде да ја земат пензијата – нагласува Димитров.
Засега е извесно дека Македонија може со сигурност да смета на приливот на сезонски работници од Албанија во земјоделството и овоштарството – берење јаболка, грозје, аронија, но делумно и во градежништвото, бидејќи имаме такво искуство.
За есенската берба на јаболка во преспанскиот регион се потребни од 5.000 до 10.000 работници. Речиси половина од нив досега се дојдени од Албанија, од Корча, Поградец и од селата во областа Мала Преспа, но бројката е нестабилна бидејќи се работи за работници кои сезонски работат во Грција и Италија.
