Volvo EX30, BMW 5 Series, Kia EV9, Volkswagen Amarok и Aston Martin DB12 се победници во категориите на овогодинешната награда за женски светски автомобил на годината (WWCOTY), која ја доделува жири составено од 75 женски автомобилски новинарки од 52 земји на пет континенти, пренесува N1.
Од вкупно 62 кандидати во пет различни категории – семеен автомобил, голем автомобил, SUV, ексклузивен автомобил и 4×4 & пик-ап – новинарите ги избраа најдобрите од најдобрите кои поминуваат во последната рунда на натпреварот и се натпреваруваат за севкупниот добитник на наградата што годинава ја доделува по 14-ти пат.
Наградата за најдобар ексклузивен автомобил ја доби скапиот Aston Martin DB12. „Луксузот, елеганцијата и перформансите го дефинираат новиот Aston Martin DB12. Придвижуван е од твин-турбо V8 мотор кој испорачува 680 КС со максимална брзина од 325 km/h и забрзува од 0 до 100 km/h за 3,6 секунди. Најзначајните промени се во неговата кабина со нов дизајн и висок квалитет без губење на функционалноста“, се вели во соопштението на жирито.
Новата BMW Серија 5 победи како најдобар голем автомобил „БМВ Серијата 5 се нуди со целосен опсег на мотори, вклучувајќи за прв пат целосно електрична верзија. Оваа осма генерација ја има најнапредната технологија, нуди пространа и удобна кабина за патниците и е првиот модел на брендот кој стандардно вклучува целосно вегански ентериер“, се вели во него.
