Нов пад на цените на нафтата: Испораките низ Ормускиот Теснец се враќаат на предвоеното ниво

Цените на нафтата на светските пазари денес забележаа нов пад, поттикнат од очекувањата за вишок на понуда, по нормализирањето на испораките од Блискиот Исток и послабата побарувачка од Кина.

Според податоците од пазарите, фјучерсите на нафтата „брент“ поевтинија за 54 центи, односно за 0,6 проценти, па со еден барел се тргуваше по цена од 95,30 долари.

Главната причина за ваквото движење е обновувањето на испораките на нафта од Блискиот Исток преку Ормускиот Теснец, кои речиси целосно се вратија на нивото пред почетокот на војната, и покрај тоа што нападите врз бродовите во регионот сè уште продолжуваат.

Дополнителен притисок врз цените создава и послабата побарувачка од Азија. Податоците покажуваат дека преработката на нафта во кинеските рафинерии во октомври забележала пад, што аналитичарите го толкуваат како сигнал за намалена побарувачка на сурова нафта.

Ваквите движења се во согласност и со прогнозите на Меѓународната агенција за енергија (ИЕА), од каде во петокот соопштија дека глобалниот пазар на нафта би можел повторно да влезе во фаза на вишок на понуда уште во четвртиот квартал од оваа година.

Поврзани вести

Останете поврзани
36,851фановикако
12,358следбенициследете
Последни написи