Илон Маск предупреди дека САД би можеле да банкротираат доколку не ја искористат вештачката интелигенција и роботиката за значително зголемување на продуктивноста, во услови кога американскиот јавен долг продолжува да расте.
Извршниот директор на „Тесла“ и „СпејсЕкс“ ова го изјави во подкастот „Дваркеш“, нагласувајќи дека не гледа друго решение за растечкиот американски долг.
„Како држава, 1.000 отсто ќе банкротираме и ќе пропаднеме без вештачка интелигенција и роботи. Ништо друго нема да го реши националниот долг“, изјави Маск.
Американскиот јавен долг на 18 август за првпат го надмина прагот од 40 трилиони долари. Според податоците на американското Министерство за финансии, вкупниот долг тогаш изнесувал нешто повеќе од 40,05 трилиони долари.
Маск смета дека пошироката примена на вештачката интелигенција и роботите би можела значително да ја зголеми продуктивноста и да ги намали трошоците. Тој особено предупреди на растечките трошоци за сервисирање на американскиот долг.
„Каматите на националниот долг го надминуваат воениот буџет, кој изнесува еден трилион долари. Значи, зборуваме за повеќе од еден трилион долари само за камати“, изјави Маск.
Маск веќе подолго време се залага за забрзано воведување на вештачката интелигенција и хуманоидните роботи, бидејќи смета дека автоматизацијата во иднина може значително да ја зголеми продуктивноста.
Истовремено, американскиот долг би можел дополнително да расте поради зголемените трошоци за одбрана и други буџетски расходи.
